起床後, 首先去嘆返個自助早餐, 估唔到比我想像中好呢! 因為我喜歡吃配菜, 而台灣的配菜真的很出色, 豐富早餐啊  然後再回房泡個晨光溫泉, 好舒服呀!

中午我們便離開酒店, 向台北出發, 好彩我醒目, 一早就book定酒店巴士坐位, 唔係就滿坐, 要自己坐的士啦!

今次我們住別緻酒店, 房間小小的, 不過五臟俱全, 而且都幾乾淨, 原先我們想住寶格利的,因為比較方便, 就在西門,  但價錢比較貴, 又沒有我想住的房間(藍鑽房), 所以book了這間在大安站的富豪飯店, 但也不錯, 飯店下面有很多美食呢!

Check-in 之後, 我哋就向西門丁進發, 每次到台灣, 我都好喜歡四處食, 行到邊食到邊, 而且我哋已經太熟路啦! 所以可以節省好多搵路嘅時間, 真係好開心

嘆完美食之後, 我就當然係去shopping啦! 今次最令我興奮嘅..就係去咗小豬(羅志祥)的服飾店~~STAGE, 我買咗兩大袋戰利品呀! (下面底嗰3張相就係喇!) 我仲忍唔住要同小豬嘅廣告紙牌影相添, 真係好醜呀!

跟住我哋就去咗劍潭~美麗華百樂園, 坐返轉犘天輪

然後就去忠孝復興嗰面再買過, 真係買咗好多嘢呀! 因為東區嗰面有好多服飾店, 大家可以行多D小巷, 入面有好多品牌服飾O架! 最失望就係陳冠希開嘅SENSE ORGAN, 因為無乜新貨,白走一趟...

遊樂完之後, 我哋就去醫肚, 今晚食麻辣火鍋, 然後我哋就去行饒河街夜市, 再食過...

１天北投春天溫泉酒店＋２天富豪商務客房酒店（長榮機）

連保險＋簽台証　上午機去，黃昏機返　＠＄２８００

第一天~台北機場~台北車站~北投~淡水~漁人碼頭~劍潭~士林~北投

這次台灣之旅也是自由行, 最主要是陪皇上的女兒和男友去, 他們是第一次到台灣, 所以他們十分期待, 而我負責計劃行程, 當然我心中計劃的行程重點是～～～食

落機後, 我們便用了四張免費的飛狗車票到台北車站醫肚, 逛一逛街, 再轉乘捷運到北投站, 再乘溫泉的接駁巴士到酒店.

酒店的特式是房內都可泡溫泉, 如果遇到下雨天, 或太多人想享受二人世界的話, 此間酒店不錯的. 地方乾淨沒有異味(有時有些酒店雖然乾淨,但總是有點怪味)

到了酒店, 我們先參觀一下露天溫泉, 看見露天泡溫泉的人不多, 便立刻泡一泡, 如果太多人, 不好泡呢! 

然後便出發到淡水逛夜市, 玩煙火, 不停食食食 另外亦坐船到漁人碼頭~情人橋~感受一下浪漫氣氛

然後我們便在情人橋那兒坐公車到劍潭, 逛逛士林夜市, 品嚐各款美食.. 

我們真的吃了很多很多 (每次來台灣我都要回港減肥) 然後我們便回酒店泡室內溫泉, 好好休息..

我喜歡自由行, 因為可以自己定時間, 今晚玩得累了, 明天再玩過, 想玩晚一點亦可, 而且台灣真的十分適合自由行, 首先全部中文一定睇得明(唔似去韓國, 懂英文都無用, 他們不懂), 而且坐捷運和高鐡也很方便, 坐火車也不難, 只要上網便可以查到班次時間, 方便計劃行程.

你們好嗎? 鮮奶國的好友... 

我已好幾個月沒寫blog了, 也沒有四周探訪大家, 因為..懶了嗎? 沒什麼好寫? 還是我不再喜歡寫blog了?

老實說 : 我也不知為什麼?!?!?!

只是現在煮飯的時間和程序與從前不同了, 所以完成了的晚餐也沒時間拍照 現在每天都很忙, 早上有時會六點起床, 替皇上準備午餐帶上班, 準備早餐給皇上, 然後..我又再跑回軟綿綿的床上, 呼呼入睡 到了上午十時多, 我便會開始起床, 進行一天的行程, 有時是回公司工作, 有時是做其他事情, 到了黃昏便趕回家準備晚餐...

由於現在居住的地方比較偏僻, 所以每晚我都會把晚餐準備到一半 然後開車到巴士站接皇上回家, 回來後再把晚餐完成, 好讓皇上, 可享用到熱騰騰的飯菜 所以時間關係, 我很久沒有拍照了... 有時做了一些新菜式, 真的很想和大家分享, 但當想到已時晚上九時多, 肚子發出古怪聲音的皇上在等著, 我還是選擇放棄影相...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

除了忙這些外, 我最近也很擔心一位好友, 不幸地, 他得了~淋巴癌..

真的非常擔心他, 最初知道他染病後, 真的很害怕, 因為不知做朋友的我, 能夠幫助他什麼 

唯一可做的, 便是陪伴著他去抵抗病魔, 當中有很多很多的困難, 但作為好友的我, 清楚地知道只要意志堅定, 亦清楚自己在做什麼的時候, 我是不會放棄去關心他的.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

另外, 這幾個月以來, 看見一位朋友, 慢慢地變得自私, 自卑, 專橫, 自以為事..很可悲

看到這位朋友很沒自信, 時常都會重複地表示自己的貢獻, 而且這位朋友會很嫉妒別人的成就,  大家最討厭就是這位朋友命令式的說話...

算了吧! 我只會把這位朋友當成最普通不過的朋友, 我們不想再縱容了....

8月8日~~酷熱  澳門~35度

難得又可以同皇上去吃喝玩樂, 我緊係安排好哂D行程啦 首先我哋坐1點船去澳門, ,不過,唔知係唔係天鵝後遺症, 個海好大浪呀! 極少暈船浪嘅我都頂唔順

行程第一站:

食翅  添發碗仔翅美食~

福隆新街18號地下 1:00PM -23:00  電話: 2838-9265 / 6650-8211

呢間係我幫襯咗好耐嘅小食店, 不過, 佢嘅小食一D都唔簡單, 我以前食係$10/ $15/ $25 咋 而家佢只係搬過咗幾間舖, 就變得好貴啦! 但係就多咗好多款式, 而且佢都係真翅嚟! 雖然翅嘅品質無其他咁靚,但係我覺得食過就OK啦仲有呀! 記得買支~靈芝雞骨草飲吓! 味道甘甘地, 不過下火啊 ! 可以堂食或外買, 坐位只有20幾個, 而且好迫, 要排隊啊!

跟住我就去咗酒店check-in, 再出返去議事亭前打過白鴿轉, 行吓街買吓嘢, 然後再去 滔滔咖啡食個~芝士辣魚包 $11.5 仲有我覺得好好味嘅雪糕, Lemoncello 檸檬車露 + 蜜桃芒果 (大堂巷11號地下11:00-23:00)

行程第二站:

新豪天地 (威尼斯人對面~正門出1條馬路之隔)

嘩 一入到去Hard Rock正門, 好有feel呀! 香噴噴, 而且無威尼斯人咁多人好似大型大陸商場咁...( 可能仲新呱)

嚟呢度最主要係想睇佢哋嘅 天幕show ~ 龍騰, 如果係佢哋本身主客就可以睇即埸show, 如果唔係的話佢哋都會派張晚上22:00嘅票比你, 但係如果你想睇即埸,可以每消費$120就有2張啦!

show time : 每30分鐘一埸, 每場10分鐘

我覺得值得一看, 好似喺一個小型太空館, 睇咗埸企位戲咁, 不過, 套戲係360度旋轉播放

然後我就去佢嘅賭場捐贈一吓 ...兩日加埋喺度放底咗$1,100蚊呀  但係唔知係唔係夜晚呢? 佢哋賭場播嘅音樂, 係 Rock & Roll 喎! 而且我仲見d工作人員有時跟住d音樂擺返兩吓! 感覺幾好, 唔係好似其他賭埸咁, 嘈到死, 不過, 我第2日下午去就多人好多啦!

捐完款大傷元氣之後, 緊係要補補身啦!

行程第三站:

新明珠美食之家~(水佬榮)

巴波沙大馬路97號 18:00-04:00AM 電話: 2859-6396 平均消費$160-180

相信好多人都食過, 我仲意嚟呢度食宵夜, 由其我喜歡食辣  今次都係食例牌嘢~~辣汁花甲蟹煲 / 黃金蝦 / 蜆芥墨魚球

行程第四站:

新葡京~~ 食完宵夜, 大家又話想去捐款喎! 今次捐咗$500捐完款咁緊係要同何生打個招呼啦! 酒店大堂就有佢嘅銅像, 仲有12銅首之一 ~~~ 馬首

最後零晨04:30 先返酒店瞓覺

8月2日係我寶貝姨娚女嘅生日, 我當然要同佢慶祝吓! 佢話除咗要BBQ之外, 要再加一個天使蛋糕自己裝飾喎! 好呀! 就比你玩吓啦!

另外我亦預備咗好多BBQ美食招呼大家~~

奶油扇貝, 蒜蓉焗蝦, 白酒花甲, 糖心蕃薯, 甜粟米, 黑椒豬扒, 薑汁豬扒, 香草雞翼, 多春魚......好多啊!

嗰一晚大人同小朋友都玩得好開心, 最重要係我個寶貝女~高興~~~

呵呵! 23/7去咗書展尋寶, 真係好多人啊! 仲有好多都係龍友...好鬼熱鬧, 我首先去咗兒童天地先, 因為想睇吓有乜文具好嘢, 然後再去返Hall 1. 嘩 真係好多人呀! 我比人踩咗3次腳 本來想去聽偶像~翁靜晶嘅演講, 唉 都係算數, 實在太迫啦!

好彩 我都有收穫 ~~ 21本食譜 + 1本脊椎健康書 + 1本家事百科

白酒煮青口~~由於新鮮青口有海水味, 所以好鮮甜, 煮嘅時候唔需要落鹽, 用少許黑胡椒同2-3滴檸檬汁調味, 然後用適量清水煮至7分熟, 落白酒再滾2分鐘, 食得!!!

燒汁大蝦 & 三文魚鰭 ~~~ 兩款材料分別用黑胡椒同少許鹽調味, 三文魚鰭可落2-3滴檸檬汁, 用牛油將所有材料煎至8成熟, 下燒汁燴2分鐘即成. 如用濃調嘅燒汁, 請先調稀, 否則會煮濃及太咸. ( 唔記得影相 )

香草烤羊架~~~ 先將羊架抹乾水,用少許鹽,黑胡椒及意大利香草醃30分鐘, 用牛油略煎香羊架兩邊, 放入已預熱200度之焗爐內, 烤焗12-14分鐘即成, 吃時可加 mint jelly.

南瓜薯仔洋蔥肉粒湯~~~ 將所有材料切粒,肉粒先用少許鹽略醃15分鐘, 預備一煲滾水, 將所有材料炒香, 然後放入滾水內煲45分鐘, 熄火調味即成.

P.S. 如果想南瓜做出嚟肉質鬆軟, 可先在南瓜上撒上砂糖, 待3小時候, 然後先炖煮, 做出嚟嘅南瓜會比較鬆軟有口感.

噚晚同我家皇上去食咗一個溫馨晚餐 

記得同皇上一齊呢幾年, 除咗第一年, 佢係會為所有節日去安排慶祝之外, 之後呢幾年真係...唉!?!?!?! 有d男人真係同居咗之後就變啦 不過, 佢好彩, 我唔係好介意. 反正佢安排親嗰d, 我都唔係好滿意, 不如就由我去安排, 全部都係我自己仲意食嘅同玩嘅  

但係噚晚就唔同啦! 我揸車去數碼港接佢放工, 本來我想去食齋 ( 幾奇怪,生日慶祝食齋 ) 點知皇上一上車就好man咁話: [ 去灣仔三里屯~ Pomme de Terre 食啦! ] 嘩!! 嗰剎那我覺得佢似反我初相識嘅皇上呀! 好man啊 我梗係即刻話好啦! 而且我哋仲一邊食一邊講返好多開心嘢, 又傾吓我哋嘅旅行大計....真係好溫馨..

個鵝肝超好味 個洋蔥湯都唔錯

今天是我的38歲生日收到很多朋友的祝福, 好感動呢

我也祝願各位鮮奶國的國民身體健康,生活愉快

每年生日我都會送一份禮物比自己, 有時會係一樣想買好耐嘅物品, 有時會係一餐好美味嘅晚餐, 有時會係獎勵自己,可以轉換新髮型....總括嚟講, 無乜直接得著.

但係今年, 因為朋友轉寄一篇文章,再加上一個颱風,我送了一份非常特別, 而且實用的禮物給自己~~~健康的開始

文章故事令我有所啟發,為了我自己,也為了我所愛的人, 我需要~健康~

颱風令我脊椎骨舊患又再痛楚不已, 我需要~健康~

由於十幾廿年前工作關係, 因為自己用錯方法拿一箱A4紙, 扭傷腰骨更錯的是~我去睇了一個無良的跌打醫師, 把我傷上加傷~~腰骨給醫師再扭傷d, 就在醫館內, 我要call救護車去醫院, 留院8天, 之後要時時做物理治療.....

由於工作關係, 時時都配合唔到醫院嘅物理治療時間, 慢慢就無再去做了 亦都因為自己的疏忽, 一直我都腰酸背痛, 而且年紀越大, 痛楚亦越來越頻密, 可以說, 沒有一天我係舒服過...

昨日, 我終於忍受唔住, 去咗照 X-Ray, 攞完報告之後, 嚇咗一跳

醫生報告 :  頸椎~應有的弧度沒有了, 變了一條直直的, 而且骨與骨的距離疏離了; 脊椎骨~全條向右傾斜彎曲, 更向外彎, 由於骨的連接位疏離比較嚴重,腰間位置開始有骨刺; 盤骨~正常人應該是34度角,而我是40度角而且向右傾斜.

醫生見到都覺得驚訝, 問我怎能忍受, 因為脊椎骨的傾斜和彎曲, 壓住我很多神經線, 更有一個位置是壓向心臟, 所以有時會令我呼吸唔暢順, 也令我會有手腳麻痺, 頭痛, 手腳酸痛等, 很多種不同痛症出現, 而且亦影響我每日睡眠時間 ( 對呀!我每日都會周身骨痛, 有時根本痛得難以入睡)

經過醫生詳細嘅解釋, 我決定由這個生日起, 好好對待我自己, 我要改變飲食習慣, 改變自己的坐姿, 行路的姿勢, 瞓覺的睡姿, 更要每天做一些物理治療的運動, 配帶腰封.

希望能夠慢慢將脊椎骨移回原位, 雖然這不是一件短時間可以做到的事, 但這次我一定會堅持到底, 因為我要對自己好一點, 愛自己多一點, 我才有能力去照顧我所愛的人, 而且醫好了, 最舒服和開心的, 必然是我

我亦想親這次機會, 改變一下自己的生活同飲食習慣, 令自己更健康..

照片中的女孩是凱蒂，21歲。而躺在隔壁的是她的未婚夫尼克，23歲。 這張照片是他們在美國舉行婚禮不久後，與 2005年1月11日 所拍的。凱蒂患有末期癌症，一天需要花上幾個小時做治療。尼克在照片裡正在等待著她完成化療。

儘管肉體多麼的疼痛、內臟逐漸地衰弱和打了多少的嗎啡針，凱蒂還是堅持舉行婚禮、甚至著手籌備。她的婚紗因為體重不斷地減輕需要一改再改。

在婚禮排隊上出現的格格不入的物品，就是凱蒂在典禮以及接待的時候所使用的氧氣桶。照片裡的另一對男女就是尼克的父母。他們很高興看到兒子娶到了他高中時代的情人。

凱蒂坐著輪椅戴著氧氣管，聽著她的丈夫和她的朋友為她高歌一曲。

在接待的時候，凱蒂需要間接的休息。她肉體上的疼痛不允許她長時間站著。

凱蒂在她婚禮後5天便去世了。看著一個病得這麼重和如此虛弱的女生帶著幸福的笑容結婚讓我們不禁想到... 人是可以得到幸福的，儘管它是如此的短暫。我們不應該在把我們的人生搞得這麼複雜。

人生短暫
打破常規
寬恕與諒解
吻得熱情、愛得真切
時常歡笑
不斷地微笑
不管生命多麼無常
即使生命不是我們想像的像個派對
可是只要我們還活著，我們應該帶著笑容心存感激

噚日係我家新居宴客嘅好日子, 點知有颱風仲要黃昏開始狂風大雨 真係擔心  約會要取消呀! 因為好多位都係由好遠嘅地區走入嚟元朗, 而且仲帶埋一家大細, 仲有狗狗呢

但係一班好友都唔怕大風雨齊齊嚟熱鬧, 真係感動 多謝你哋呀

大家咁捧場, 我一定對大家好好嘅, 美食當然不可少啦! 天氣咁悶熱而且家中係開放式廚房, 唔想朋友仔吸入太多油煙, 所以我做咗好多款凍食, 而我因為要招呼好友們, 有好多都無影相呀!

16人嘅美食包括有~~

花膠花菇鴨掌炆海蔘, 蒜辣黑胡椒枝荳, 怪味冰花枝, 酒醉糖心蛋, 紹興醉雞, 滷牛展, 甜酸凍蝦, 清蒸青班, 帶子凱撒沙拉, 元貝響螺老雞湯, 鮮雜果蒟蒻, 義大利蛋白榴槤雪糕